吹水王的後花園

火影忍者比我一個好強烈感覺嘅就係「只要努力，我都可以成功」

當中除左主角鳴人之外，最令印象深刻一定係李洛克。

佢就真係一個比鳴人更加無天份只靠後天努力嘅忍者，佢仲遇到一個改變佢一生嘅老師－凱（相比卡卡西同伊魯卡，改變程度絕對大唔過凱！）

雖然佢唔係一流忍者，但起碼佢熱血同永遠唔認輸嘅性格永遠都係我心目中。

據悉佢嘅原型係黎來自李小龍，所以呢個角色可以話係更加令到普通人嘅我更加熱愛佢。

另一位日向寧次：

我會話佢係佐助嘅威力加強版，強就強在佢思想開放，胸懷廣闊，能夠將宗家同分家兩家恩怨接受落黎，知道自己使命行在正途上，雖然實力同佐助絕對差左一大截，但作為男人，佢呢種氣魄梗係贏過佐助條ＭＫ小學雞。

。雖然故事主要描述寫輪眼威力，但白眼係支線故事亦係出現過被搶奪，係木葉村重要性相當之高，日向家族能力絕對唔會輸過宇智波家族。

最後就係日向雛田

點解講佢，就係佢對嗚人個專一同堅持。

全行都知嗚人係鍾意小櫻，感覺就似毒撚（嗚人）愛上女神（小櫻）一樣，做隻兵幫女神溝返自己條仔（約定幫小櫻搵返佐助）當然嗚人都當佐助係兄弟先會咁出力，但日向雛田知道自己都係一條心對嗚人，唔會介意嗚人柒柒下去當兵，重點係，雛田係唯一個用生命值硬食敵人攻擊幫嗚人擋招嘅女人。

最後嗚人知道雛田對自己嘅愛終於都接受咗佢，仲生埋一對仔女。

佢地都有個共同點，就係性格好，雖然係呢個現實性格好絕對唔夠天份好（即係兩位主角）咁受落，但世界上其實有呢種人係好好禮物，大家記要珍惜同尊重呢種朋友。

後記：

寫咁多野其實我都係好鍾意火影忍者呢套動畫，雖然佢無［鋼鍊］個種深深哲學味，但佢比我都有好多種認同感，啟發，希望我嘅觀感無令大家反感。

大家都係喜歡呢套動畫嘅粉絲！