今朝大家應該變哂做海底奇兵啦掛?好彩我出門出得早,咁岩避過一劫。
話說今朝班八婆呀姐又係到吹水話邊個會扮野唔返工嘅時候,令我諗起以前有個無良老闆所講嘅一段說話。
當時仲係做緊有返工無放工嘅公司,老闆最興將自己嘅辦公時間黎同我地呢班打工仔黎到比較。你話幾撚屎忽鬼(後來我先知,原來佢真係屎忽鬼Hehe)
有次又係呢種情況,明明係黑雨但係天文台都仲係出黃雨,無計咪唯有焗返,其實就算係黑雨又好,放假又好,個仆街老闆都會不斷用whatsapp黎煩鳩你。
就係個次,有個同事因為真係住得好遠,新界北邊邊境個頭,佢已經係個群組到好早話要好遲,甚至返唔到個類。
點知老闆真係夠薑講
「XX,我需要一位有責任心嘅同事,今日仲要見客,你咁樣話唔返會影響到其他同事。」
Hi Aunties!咁Q大雨個客黎唔黎都成問題啦,仲要咁樣離間埋佢同我地同事啲關係真係仆街到極點。
「老闆,唔係我唔想返,只係我真係出唔到門。」
從呢句已經感覺到我同事開始著撚咗
「總之你今日點都要返,黑雨又好,世界未日又好,希望你盡返哂責任。」
嘩屌!你老味,世界未日都仲要返工,你燒返份糧比我呀?
再講,落到去下面,人人問我世界未日搞緊咩,仆街,你叫人點答呀?
嗯,我仲返工囉
無耐個同事都離職,跟手又到我都走埋,走個日大家仲約返對方食,繼續數臭個老闆。
世間上就一定有呢種咁有趣嘅老闆,總係以為全部人都同佢一樣咁愛公司,呢種天真嘅老闆比比皆是。
其實我係唔介意同你一樣咁愛公司,甚至世界未日都返去返工,只要間公司係屬於我嘅話,就無問題。
文章標籤
全站熱搜
留言列表