繼續上次講完我最喜歡三位角色之後，今集就講下兩位主角。
漩渦鳴人，漩渦鳴人講佢地嘅文多的是，所以我選擇咗用一個新觀點去講述我自己對兩位主角觀感。
漩渦鳴人：
主角光環所引發出嘅感動人心已經為例牌菜，由伊魯卡老師，我愛羅，佩恩（長門）加埋外傳等等一堆人物，老老豆豆，嗚人嘅忍道感動位已經變成得過份肉麻。
而且作者安排鳴人永遠都要似某某嘅親屬朋友（自來也，帶土，繩樹，柱間等等等）呢條橋過份使用，反成敗北。
鳴人主打為「靠自己力量後天提升」其實亦唔同意。
先天嗚人本身已經係名門望族，老豆係火影，呀媽係漩渦一族，雖然雙親都死，但老豆留咗九尾力量比佢使，某程度上都算係「遺產」。雖然鳴人本身唔係太喜歡呢筆「遺產」，但事實係呢筆「遺產」令到佢可以成為重要人物嘅主因。
由於「遺產」關系，鳴人個種衝動又唔合作，自以為是嘅性格都可以令到佢有咁多朋友照顧，其實根本就係一個富二代，多人照！
引一句「要不是九尾狐的查克拉在照顧著你，你漩渦鳴人早就完蛋了！」
宇智波佐助：
另一位主角宇智波佐助，可以話係終極中二病，小學雞，我的確對呢個角色由無感變反感。
先由佢懶型扮野嘅性格已經將佢定型，無疑佢嘅天份的確係好好。不過每次佢都輸比嗚人之後（繼我愛羅在中忍考試暴走後）佢個份小氣性格更變本加厲。
一日到黑就係為報仇，最終為咗隊冧自己呀哥－鼬出賣埋自己身體比大蛇丸。
救命呀！感覺同一個女仔為咗想買個名牌威比人地睇，然後走去做援交有咩分別？！
你可能會話佢為咗家族嘅仇忍辱負重，頂你個肺，到你呀哥瓜咗唔夠半日就立即信另一位陌生人（宇智波帶土扮嘅宇智波斑）然後立場又轉，到知道宇智波斑計劃又立即轉，屌你老母，有無咁撚豬呀！？毫無獨立思考！
如果我係你呀哥真係比你激撚到起身。
最難頂都係佢個種為啖氣仲要同你死頂落去。
「話我唔岩？我要同你我一齊錯落去！！！！」
仲仆街係玩弄人地感情，明知小櫻同香磷對自己好撚情深就利用埋人地幫自己做野，同ＭＫ中出即飛有咩分別？
總括黎講佐助係一個中二病嘅小學雞，仲要帶點ＭＫ性格，屌，唔係你呀哥同嗚人照住你，你真係死左十世啦。
其實宇智波家族全族都係柒柒地，單講宇智波斑就已經小氣到爆炸，老而不死，賴死唔走，搞到個乜春無限月讀計劃就知道佢讀得書少，喂大佬呀，你中咗月讀都要食飯痾屎架，唔夠兩日就已經全球人死哂啦！你應該搞個無限閱讀計劃比自己就差唔多。
宇智波帶土同佐助同為傻仔，比人講兩句就可以立即將所有價值觀跟哂人地。
宇智波家族可以話係專出白痴嘅家族，由斑同柱間生死鬥，宇智波家族想叛變，到斑召喚十尾都可以全套動畫專做壞事嘅家族其實醜陋程度可以話係天下無雙（不過只要你知道宇智波家族係木葉村入面做咩職務，你就知道點解極醜惡）
留言列表
