吹水王的後花園

帶定頭盔先，我自己真係唔鍾意瘦削嘅女仔身型，特別係自己女朋友更加唔希望見到佢唔食野就去減肥（運動除外），而且肥肥地，抱起上黎又開心，啪啪啪個陣又刺激啲。但我份人係好坦白，我都係鍾意大波。

前幾日見到一段文章大概都係講呢個話題，從字裡行間睇到一股怨氣，因此我都幾敢肯定作者係一位女性。

不過我都幾明白佢嘅，個個男人都話喜歡女仔有肉地，但偏偏真係有肉地嘅女人就無咩市場。

個位作者講得岩，男人所講嘅「肉地」同一般女性所諗嘅「肉地」係有嚴重出入。

那，無任何冒犯之意，我只拎幾張相黎做參考架咋。

１）有肉地，ＢＭＩ指數過高。

其實好多人諗住自己係呢款有「肉地」，係就Ｒ撚哂頭，點解我無人要！！！！！

咁我係到仆街少少咁講，呢種唔係叫「有Ｄ肉」，呢種叫做「好多肉」

所以我要做一個男女對照圖，令到男女雙方都可以有個共識。

早排，先有外國媒體指出，依家唔興六舊腹肌，認為男人要有個啤酒肚先至有安全感。

嗯，係掛，但我唔會信囉，如果係，林雪應該加入咗Ａ＆ＦModol系列。

２）無肉地，ＢＭＩ指數過低。

另一款就係呢種瘦到得排骨，同時亦都係好多女人好渴求嘅完美身材。

講真，我真係最撚憎呢種身材，特別係女人。Ｄ女人睇得太多國際Model身型又迷信埋個種變態時裝設計師，總係認為呢種瘦到得骨身材先叫做正。

又話咁樣骨感著起衫先至靚，對唔住，我唔識欣賞。

男人囉喎，我估應該無乜人真心想追求呢種外型掛。

３）真正你想要嘅有肉地

呢張圖係咪醒神好多呢。同時呢張圖先至真係大部份人所講要有「肉地」。

屌，咁咪即係要有波？係架，就係咁解。

最好你Ｄ肉全部生到都好似美國隊長咁完美就最好啦。

男人諗緊乜？大家心照啦。

＊解說＊

我以前都係瘦削身型，Ｄ女仔成日同我講「食多Ｄ野，男人要有返少少肉先好睇。」

幸好個陣後生，食極都唔肥，否則我已經變成第一幅圖咁。

認真，由條排骨變豬腩肉，邊個好Ｄ？其實兩樣都唔係班人所講嘅「肉地」。

真係要有「肉地」，岩岩美國隊長就完美示範一次啦。

至於瘦，我從來都唔建議。因為我好了解，好多時班女人減肥其實唔係為男人而減，而係為班姐妹而減，瘦極，你都好似唔夠瘦。所以有厭食症，多數都係女人多過男人。

更何況，作為男友或老公，點會希望自己另一半日日唔食野，目的就係成為一個非洲饑民？

＊點先係重點？＊

其實講到底，你個樣好靚，瘦同肥都係有市場，呢樣野真係好現實。（所以本人認為陳凱琳肥到１８０鎊都會好正）

但當然如果你係個種「肉地」身型，個樣差少少都會好受歡迎，呢個樣真係無得傾。５０／５０咁計，一般人嘅想法都係差唔多。

不過呢樣野都係好膚淺嘅層次。作為一頭雄性生物，如果只為滿足交配慾望，其實好多野都不在考慮因素。

但人與人之間嘅關係總唔可以單純以為性慾黎做量度單位，再靚嘅野望多幾十年都會變質，會厭。

＊肥得像欣宜，活得像欣宜＊

其實好多野人生出黎就定咗，樣，家底，身型。

欣宜算係一個好幸運嘅人，同樣我亦好欣賞佢嘅努力同才華，不過又係仆街個句，如果佢只係出生一個普通家庭，佢未必會有依家呢個成就。

不過世事就係咁奇妙，可能世界就係需要一個咁嘅女人去證明比世人聽，肥又好，唔靚又好，唔代表一切。

活係人地地框框入面，永遠都只係人地嘅奴隸。

參考欣宜想法，因為都係個句，就算你幾咁完美都好，你都唔會係完美。

反之，你有幾差都好，總會有人識得欣賞你。

最後我會送上兩張我真心認為完美有肉地嘅示範（或者你會覺得重口味，but I fuckin’ like it!so what?）。