半年前見到個朋友買咗架我到依家都唔知佢咩名嘅車。
佢有趣，唔比你坐，淨係比你企，仲要叉成晚電先可至行，如果條路唔夠平，隨時會仆係條街到。
不過我之後見到拳王泰臣都仆過，我個心立即好過小小。
但我知道我絕對比泰臣勁勇猛，因為我踩住嗰個一個會郁嘅炸彈。
＊地表最強＊
話說半年前，富爸爸同我講向外國訂購咗部航拍飛機，足足要成６千銀，雖然我唔知佢買黎做乜，但令我相信更加「富爸爸」呢個朵唔那係流嘅。
然後幾個月後，富爸爸話間航拍公司執鳩咗，依家乜都收唔到，除咗皮。
見到佢咁撚失望，我只好託強國達人呀添幫我去望下全球最強科技產品之城 －華強北路
好耐之前同朋友一齊去過深圳華強北路，真係令我呢個港燦大開眼界。
同時令我內心不斷咁恥笑班投資者同科學發燒友，使乜全世界咁周圍睇科研展覽姐？
一個華強北路已經集合哂全球最強嘅科技產品啦。
無耐呀添揼完個邪骨，返落香港就打黎同我講：
「部同款機，800人仔，12隻色選擇，高解像度，再送一個專拍慢動作鏡頭，如果兩部一齊買，包送貨到香港，6個星期保用。我頭先仲見到其他新野，如果個到買夠2000蚊仲有架微型遙控飛機送，買夠6000……」
「屌你呀！咁多野送？個老闆有冇請埋你叫雞呀？」
「有呀，岩岩先去完！所以你要訂就快，我下星期又去過。」
真係痴撚線。
痴撚線嘅除咗係呀添不斷係咁講頭先個按摩師有幾大波之外，其實最震撼我嘅就係個種低到你真係唔敢相信嘅價格。
＊地表最賤＊
剛剛內地富商馬雲發表咗偉論：「假貨質量比真貨好，而且價格更低，服務更好」
回想呀添向我嘅陳述，完全體會到呢句說話嘅真諦。
事實上，一件發明品最使錢嘅係研發，當你偷撚咗人地嘅發明再大量生產，自然係會達到「價格更低」，當「價格更低」自然就可以做到「服務更好」。
如果佢有少少智慧，仲可以將偷黎嘅發明加而「改良」，就可以變成更「高質量」
馬雲呢句說話的確係一句真理，強國式的真理。
說明呢個國家係點樣運作，點樣生存，有如一名強盜，賊匪強暴完一個村莊然後苦口婆心咁拎住啲財物向村民講：
「呢啲野係我地成班兄弟親力親為搶返黎！每一分一毫都係有血有汗架！」
一個會讚頌假貨同搶劫嘅國度，我真係好撚震撼。
我已經唔會再為喬布斯嘅死亡而感到有任何可惜，因為係可見嘅將來，華強北路將會出產更多嘅喬布斯。
留言列表
