富爸爸個囡囡出世三個月有多，依家日日依嘩鬼嘈，得意到不得了。不過當然我呢個外人就負責同囡囡玩，富爸爸同老婆就負責比囡玩。
生得仔，你就預咗架啦。
個晚食飯先知，富爸爸已經開始戒食咖哩飯。唔係咩宗教信仰定係身體問題，主要係自從佢開始幫囡囡換片就出現呢個情況，所以做老豆老母真係好辛苦。
佢仲係到講笑話：「屌，一鳩封咗佢個屎眼唔使煩！」
跟手佢老婆有如呀里一般嘅速度，一拳打咗落佢個４２寸大肚腩到，果然生完嘅女人係好打啲。
言而富爸爸呢句笑話的確出現係香港到。
＊馬後炮＊
我又要馬後炮，當日呢件細口「流肛華」出現係新聞個陣我已經屌到乜７咁。
首先了解政府點解要將佢個口整到咁細？
其實主要係仿傚台灣當年實施垃圾徵費做法，台灣垃圾桶投放口仲要細香港型嘅一半。
立場清晰，聽落唔錯但要明白每個地方嘅文化生態都唔同，做起上黎唔可以話跟就跟。
好簡單，澳洲有自助超市，即係商人會放哂一包包食物係到，客人就自律咁拎完食物然後就放返錢入去。
同樣香港都有部份嘅劇場訓練場所，依樣畫葫蘆，成效唔錯。
佢地當然知道要給予信任比入黎嘅同志朋友，但最重要都係要有個CCTV做強大後盾。不過如果進度理想，假以時日香港同樣收到同樣成效。
但係香港今時今日已經被嚴重混血，期望呢種自律行為出現，實在太傻太天真。
＊細肛門＊
你去過一次旺角就知道，大部份垃圾桶除咗「常滿」外，佢嘅外圍就係好以前Pizza Hut自助沙律吧一樣，佢累積嘅情況可以比媲美「歡樂滿東華」嘅疊羅漢，同樣令我讚歎！
呢種情況由其發生係啲小食檔門口。有部份小食檔東主都有少少良心，自己會準備一個鑼放膠袋比食客扔垃圾，但有幾多人會在意？
只要一粒鐘，就可以立即填滿哂成個垃圾桶。
依家仲要轉埋個細口，一旦你個袋垃圾太大（其實係好易）你就一定放唔入依家個垃圾桶，咁你可以點做？
一：拎住個垃圾繼續行街直到你見到有大型垃圾站
二：將個垃圾放係桶隔離，等清潔人員可以方便清理。
我唔係話放垃圾係隔離就答如無問題，但假設我自己係一個清潔人員，我會認為一大堆垃圾平均分佈哂係街上好啲，定係放埋一堆好啲，又或者放哂係同一個垃圾桶入面好啲？
而且我一直都認為呢個係陰謀，你幻想以上情況咁常出現，變相就增加檢控數字，對於一班只睇數據嘅盲撚，自不然會相信
「細口垃圾桶＝增加檢控數字＝無人敢扔垃圾＝成功減少垃圾量」
其掩耳盜鈴之術都可以見其高超智慧。
＊禁瀨屎＊
無疑香港呢個發達城市每日製造垃圾嘅數量係好驚人。
根據環保署數字２０１４年開始每日垃圾量係平均14859公頓，建築廢料更加有增無減。
環保呢件事其實係相當急切，但卻知易行難。
無他，經濟發展與環境保護，二取其一大部份人心裡有數，你估股票大跌定溫度大升，邊樣會令到公眾恐慌？
其實節約生活唔係話你賣下啲好撚綠色嘅廢up廣告又或者你整個好有型嘅垃圾桶就得。我問，如果每間小學同幼稚園每日小朋友都必須要訓練分類垃圾同環保生活，二十年之後你估香港仲會唔會有人周圍扔垃圾？
答案係：會
「幹！！為什麼我的寶貝小孩要做這些狗屁東西？叫你的領導出來見我！」
你行第一日就立即被人投訴啦，環條春咩？
教育更加需要時間去投資。
買書比班馬蹓，同教班馬蹓睇書兩樣其實缺一不可。
留言列表
