吹水王的後花園

每個人都有怪癖，不論多少深重都會有。

但當發現自己嘅怪癖好多人都有，個種其實就慢慢變成唔係怪癖。

不過我今日唔係講咩有深度嘅強迫症問題同根源，而係講「食」嘅強迫症

＊由淺入深＊

相信有唔少人都試過，嗌完切雞飯，返到去打開個飯盒先發現燒味師傅無比薑蓉你，個種感覺仲難堪魚柳包走魚柳。

「薑蓉先係一盒切雞飯嘅靈魂！」

我絕對認同呢句說話，因此犯下呢種錯誤嘅燒味師傅真係罪大惡極！

薑蓉呀！無薑蓉嘅切雞飯，根本唔可以叫做切雞飯！

有如食薯條一定要點茄汁，無茄汁嘅薯條根本唔可以放入口。

呢種眾所周知嘅「食物強迫症」隨住時代進步，網絡世界嘅發達相信都好多人都會有呢種覺悟。

燒鴨一定要配瀨粉；牛腩一定要跟河粉；西多士一定要跟冷奶茶。

有次我係到話想食叉燒河，竟然引來一埋朋友圍屌我，話我唔閪識食。

不過大家都係講笑姐，事實上大家都知道只要岩自己心水，叉燒落沙律醬，麥樂雞點雪糕黎食，又何不何呢？

＊重症之困＊

但陪隨住自己嘅「食物強迫症」越重口味，你就越難係街上搵到自己岩心水既食物配搭。

本皇就係一個極喜歡食「淋」公仔麵嘅人。

但由於普世價值觀都認為公仔麵應該係要食「硬身」，所以我每次都加多提點

「淋啲」「淋啲」「淋啲」「淋啲」

可惜呢種要求，有時總係打唔破世俗嘅枷鎖，送到我面前嘅好多時仍然係一般人喜歡嘅「硬身」，而我唯有係到「祈禱」，等佢個面淋啲先食。

因此，每次同人去打邊爐我都係食唔到公仔麵。

每次麵落去唔夠１分鐘，班友已經搶走哂，第一個面係咁，第二個面係咁，第三，第四麵……

妖！到第五個我都食飽啦！

有時我真係好討厭自己呢種「食物強迫症」。

但覺得慶幸係，我唔係嗰個麥樂雞一定要點雪糕黎食個位朋友。

大家可以係到留言，分享下你自己嘅「食物強迫症」